ERRAIAK_ programaren hirugarren edizioak, praktika artistikoen, kolektibitatearen eta antolatzeko moduen arteko gurutzaketa jorratzen du. Horretarako, ekainaren 7an eta 8an, jarduera kolektiboen dimentsio politiko, afektibo eta ekologikoetan arreta jartzen duen programa publiko bat planteatzen da.

Desiratik, plazeretik zein erraietatik pentsatuko dugu gaiaren inguruan: zerk mugitzen digu barrua elkarrekin egiteko orduan? Zerekin daude eginak gure barrenak, gure egiteko moduak? Zer mugitzen da gure talde edo komunitateetatik kanpo? Askotan giza jardueretara mugatu badaitezke ere, beste bizimodu eta paradigma batzuetatik ikastea interesatzen zaigu, eta haiekin interdependentzian elkartu. Askotariko formatuen bidez, proposatzen dugu eztabaidatzeko eta ezagutzeko espazio bat eraikitzea, eta erdigunean jartzea jarduera kolektiboaren barne-zalantzak, barne-zalantzak edo kanpo-tentsioak.

ostirala 7 EKAINAK

18:00 - 21:00
Arma aretoa / Parkea

Lantegia eta ekintza
ORKIDEATXIRLA Askatze praktikak (cas)

Élan d’Orphium
Aurre izan-ematearekin

Paisaian akzioa eta lantegia uztartuko dituen topaketa batera gonbidatu nahi zaitugu, espiritu txikiei hel egiteko apaingarriak sortuko ditugu. Intsektu polinizatzaileentzat lore formako eskaintzak egingo ditugu txirla bihotzarekin, urmael, igerileku, iturri, oturuntza, eguzkitako edo etzaleku gisa. Erlezaintza amateurreko ariketa bat da, lorategi utopiko bat landatzeko helburuz, espezieen arteko maitasunetik abiatuta.

ÉLAN D’ORPHIUM
Élan d’Orphium da basatia, sorgina, saltinbankia, astarkirtena, pikaroa, bihurria, loretxoa, pailazoa, zangaluzea, lumaduna, maritxua, iletsua, eta, aisialdian, artista. Zorte pixka batekin, Extremadurako larretan aurki daiteke udaberriko polinizazio-prozesuetan praktikak egiten.

21:00 - 22:00
Caserna

Literatura eszenan
Poperra, afterra, utopia (eu)

Danele Sarriugarte, Miren Narbaiza

DANELE SARRIUGARTE
Etorkizunaz idazteko eskatu zioten Danele Sarriugarteri, eta orainean ez etsitzearen garrantziari eskaini zion Popperra, afterra, utopia izeneko testua. Dantza egitea izan daiteke biharra eraikitzeko modu bat, eta horretan lagun izango ditu Miren Narbaizaren erritmoak. Soinu-hitzak beste bide batzuen bila.

MIREN NARBAIZA
Miren Narbaiza Martiartu (Eibar, 1986). Nahiz kazetaria ikasketaz, musikari ematen dio bere denbora gehiena. Hastapenak Napoka Irian egin zituen. Ordutik estilo askotariko taldetan ibili da gitarra, teklatua, perkusioa eta ahotsa gehituz Dual Split, Joseba B. Lenoir, Perlak edo Drumkopters-en besteak beste. Ikusentzunekoetarako musika sortu izan du, eta literaturatik edaten duten beste ekimen batzuetan ere murgilduta dabil. Egun MICE da bere proiektu nagusia eta hiru lan ditu argitataratuak: MICE (2017, autoekoizpena), Zilar Printzak (2019, Erraia) eta Lautada (2022, Forbidden Colours).

Danele Sarriugarte Mochales. /Elgoibar, 1989). Idazlea eta itzultzailea. Bi eleberri eta zenbait kontakizun argitaratu ditu, eta hainbat autoreren lanak euskaratu (Angela Davis, Eva Illouz, McKenzie Wark, besteak beste). Elkarrizketa sakonak egiten ditu hiru astean behin Argia aldizkariko Jendeak sailean, eta beste hedabide batzuekin ere kolaboratzen du tarteka. Gaur egun, «Poppera, afterra, utopia» emanaldia eskaintzen ari da Miren Narbaiza MICErekin batera. Beste zerbait idazten ari da.

LARUNBATA 8 EKAINAK

11:30 - 13:30
Arma aretoa

Mahai-ingurua
Erraiak nahastu. Praktika kolektiboari buruz hausnartzen (eu, cas)

Altxa Lili, Iruinkokoa, Jaki Toki, Black Power Pamplona

Zerk mugitzen digu barrua elkarrekin egiteko orduan? Hori galdetuko diegu Altxalili, Jaki Toki, Iruinkokoa eta Iruñea Black Power kolektiboei. Arrazakeriaren kontra borrokatzea, foklorea berrasmatzea, pobreziaren kontra antolatzea edo armairutik ateratzea. Plazera?

ALTXA LILI
Altxa Lili kolektiboa Atharratzeko Bekat’uros egunarentzat sortu zen. Baserri gunean sortu edo bizi diren queer pertsonek osatzen dute eta barnekaldean LGTBI+ erreferentzia eskasia bati ihardokitzeko xedez sortu dute kabaret formako ikuskizuna. Euskalduna, feminista, queer-a izatea eta lodifobiaren aurkako mezuak dira besteak beste oinarri ikuskizunean; eta umorea, noski.

IRUINKOKOA
2019an sortua, parodia gisara, pasa berri den urte osoko errepasoa egiten du euskeratik eta euskaraz. Koko beltzek eta zuriek dantza, musika, antzerkia eta bertsolaritza uztartzen dituen herri antzezpenak eskeintzen dituzte. Inauteri berri hauen proposamenerako musika eta dantzak sortzen dira urtero, erreferentzia gisa Nafarroa Behereko "libertimenduak" eta Nafarroako makilak dituzten sistemak eta egiturak hartuz.

JAKITOKI
Txantreako herritarren mugimendua da Jaki Toki. Duela hiru urte baino gehiago sortu zen despentsa solidario gisa, kapitalismoaren krisiaren eta langile-klasearen bizi-baldintzen okerragotzearen testuinguruan. Mundu osoko txantrearrak biltzen ditu; izan ere, Txantrea migratzaile-auzo harro bat da, langilea eta herritarra, eta auzolanaren bidez eraiki dute herritarrek. Hala izan da sortu zenetik, eta hala izaten jarraitzen du gaur egun ere. Hainbat jatorri, kultura eta ibilbidetako langile-auzo bat da. Herritarren antolakuntzaren alde egiten dute, elkartasuna eta elkarrekiko laguntza auzoko txoko guztietara zabaltzeko.

BLACK POWER PAMPLONA
Afrikar jatorriko komunitateek osatzen dute elkarte hau. Aurre egiten dieten diskriminazioei buruzko kontzientzia sortu eta berdintasuna eta justizia soziala sustatzen dute arrazakeria eta xenofobia salatzeko eta borrokatzeko.

14:00 - 15:30
Parkea

Bazkari herrikoia

Pertsona Migratuentzako Informazio Gunearen kontura
Aurre izan-ematearekin

16:00 - 18:00
Parkea

Lantegia
SIESTA, preposizioa izatearen poza

Aitana Cordero
Aurre izan-ematearekin

Siesta bat partekatzea, elkar entzutea, tarte bat pasatzea, plazereatzea, arroilak urtzea, ezerezean galtzea eta topa egitea. Tarteko espazioak izango gara, ehun konektorea, zubia, amalgama, kola, aurretik gertatu eta gerora eramango gaituzten bi gertaeren arteko lotura. Besterik gabe.

AITANA CORDERO
‘Mugimendua’ a, sortzailea/koreografoa, zuzendaria, ikusmin handikoa, galderen, liburuen, kozinatzearen eta gorputzen maitalea. Gemini, ama, surf egiten du… Haurtzaroan, judoa egin zuen intentsiboki, eta inoiz ez du arte martzialen ikasketa utzi. Dantza eta inprobisazioa maite zituen. Bere lanetan eta ikerketetan behin eta berriz agertzen diren arte-interesetako batzuk hauek dira: “gorputzen arteko topaketa”, esanahiak eta adierazgarriak, intimitatea, “sentxsualitatea”, indarkeriaren fisikotasuna eta arte eszenikoen protokoloak eta konbentzioak esploratzea. Objektuak sakonki maite ditu.

Bere prozesuetan integratu ohi diren beste interes batzuk filosofia, literatura, genero ikasketak, pintura eta gastronomia dira. Unibertsoak hemen daude.

18:00 - 20:00
parkea

Hitzaldia bukatuta, plazeratu.klub taldearekin solasaldia
Plazera politizatzea bizitza lasaitzeko. Aldarrikapenak, tentsioak eta festak (cas)

Laura Muelas

Plazera politizatzeak plazeraren ardura kolektiboki nola kudeatu bilatzen du, hura homogenizatu gabe. Jaia ekintza politiko, subertsibo gisa aldarrikatzea, baina baita plazererako eskubidea ere. Bizi garen espazioak tenkatzeko, lurrean ildoak irekitzeko eta gorputz guztiek gozatzeko duten aukera aldarrikatzeko eta defendatzeko antolatzearekin du zerikusia bizitza plazeratzeak.

LAURA MUELAS
Laura Muelas de Ayala (Murtzia, 1984) Ikasketa Feministak eta Generokoetan doktorea da EHUn. Bere ikerketa-gaien artean, plazeraren inguruko praktika feministak nabarmentzen dira, aktibismo feministaren eta plazer-prozesuen arteko loturak azpimarratuz, gorputzaren praktika eta praktika politiko gisa; baita gorputzaren antropologia, afektuak edo LGTBI+ ikasketak ere. Gaur egun, gizarte-antropologiako irakaslea da EHUn, eta unibertsitate bereko Antropologia Feminista Ikerketa Taldeko (AFIT) kidea. Donostiako Feministaldia Kultura Feminista Jaialdiko koordinazio-taldeko kidea da 2020tik.

20:00 - 21:00
Parkea

Sukalde instalazioa
PIKNIK

Ana Laura Duarte
Aurre izan-ematearekin

Janaria izan dadila gure hizkuntza eta bidelagun parke egun batean. Gorputzaren eta adimenaren arteko distantzia zalantzan jartzea eta usaimenean konfiantza izatea. Dastamenaren eta entzumenaren bidez beste bizitza batzuen existentzia eta esentzia adieraztea. Gorputza jartzea eta zaporeen plazerraren aurrean geure burua ezagutzea. Esperientzia somatiko baten aurrean jartzea, begirada birkokatzeko eta zabaltzeko. Taldean gozatzen ari gara.

ANA LAURA DUARTE
Ana uruguaitarra da, gaur egun Iruñean bizi da eta praktika artistiko kolaboratiboak esperientzia hibridoekin eta instantzia kolektibo eta erlazionalekin uztartzen ditu. Hartziduran zentratzen da, eta espezie arteko harremanak eta ekologia jangarriak aztertzen ditu. Elikagaia eta sukaldaritza bere izaera multidimentsionalean lantzen ditu; aldizkako epistemologiaz , materiaz, afektuz eta sozializazio-mekanismoz osatutako sarearen bidez, egungo garaietako erresistentzia-ekintza gisa, lurralde berrietara hurbiltzen gaitu zaporetik eta gozamenetik.

21:30 - 22:00
Parkea

Emanaldia
J zer den jakiteko (cas)

Uxue Lotero Torres
* Izai Rodríguez (soinua)

Eta zer gehiago da jota jota bat jota batez gain: kantatzen dena da, dantzatzen dena, jota bat karaktere bat da, zeinua, letra, grafia, marrazki bat, jota bat elkarrizketa bat da, konfiantza bat, tatuaje batean amaitzen den erabaki bat, Historia da, istorio bat kontatzea da, politikoa da, jota bat Javi da, Barbara da, ahizpak dira, nire amona, Valeriano Ordoñez, Salvatoriedad, jota bat partitura bat da, youtubeko bideo baterako esteka bat da, Izairen ama da niri kantutegi bat oparitzen, eta nire ama whatsapp bidez zerbaut bidaltzen didanean. Jota festa-lagunak gara, lagunak kafe-orduan bakalostean, anaiak eta amona gu bazkaltzen eta abesten, eta zentzumenik ez zaizkigu falta. Ulertzen dut espektro bat dela, dena dela.

UXUE LOTERO
Joan den maiatzean amaitu zituen Arte Ederretako ikasketak Madrilgo Complutense Unibertsitatean. Iruñean jaioa Madrilen bizi da duela lau urte. 2023ko irailetik abendura "Praktika artistikorako ikasketen programa esperimentala. PEEPA " burutu zuen Mataderoko egonaldi Artistikoen Nabean. Orduz geroztik (eta bitartean), hainbat gaueko ostalaritzan eta haurrak zaintzen egin du lan alokairua ordaindu ahal izateko eta egunez egun bizitzeko, artean zerbait ateratzen zaidan bitartean.

22:00 - 02:00
Parkea

FESTA
DJs plazeratu.klub + Illdabo
Las Nenas
Cymoonv

DJs plazeratu.klub
plazeratu.klub Iruñerriko LGTBIQA+ kolektiboak plazera aldarrikatzeko eta ikusarazteko espazio kritiko gisa ulertzen du festa. Tokiko festa-kultura nagusiaren ikuspegi tradizionalak gainditu nahi ditu, queer disidentzietatik abiatuta posible diren beste iruditeria eta harreman-kode batzuk proposatzen ditu, eta, horrekin batera, festa bizitzeko beste modu batzuk proposatzen ditu non borroka kolektiboak loratzeko eta ospatzeko gune seguruagoa izanen den.

Las Nenas
Ane Sagüés Abad eta Cristina Tomás Olaya "Las Nenas" antzerki-proiektu performatiko kolektiboaren sortzaileak eta interpreteak, 2021ean sortu zuten. Ikerketatik abiatu eta Z generazioak pairatzen dituen indarkeria forma eta dudak taularatzen dituzte.

cymoonv
Simone García aka. @cymoonv Kubako artista digitala da, eta identitate birtualen performancearen eta autopertzepzioaren inguruko subjektibotasun berriak aztertzen ditu, naturan eta giza ondorengoetan inspiratutako munduetan bizi diren gorputzen irudikapen jariakorren bidez